The Fragile

Ente The Downward Spiral y el siguiente álbum d’estudiu de NIN, The Fragile , un doble CD llanzáu en setiembre de 1999, pasaron cinco años. Por cuenta de los sos anteriores ésitos, los medios de comunicación, triándo-yos los talones, empezaron a falar del llanzamientu de The Fragile , un añu primero qu’asocediera, describiéndolo como “de cutiu retardáu”. Cuando, finalmente, llanzóse l’álbum, debutó nel puestu númberu unu de la llista Billboard 200, vendiendo 228.000 copies na so primer selmana y recibiendo crítiques positives. Spin aclamó a The Fragile como’l “álbum del añu”, y delles de los cantares del discu apaecíen nes emisores de radio de rock alternativu de forma regular. Con too y con eso, l’álbum salió de la llista de los top diez solos una selmana dempués del so llanzamientu, polo que Reznor tuvo que subvencionar la xira de promoción del álbum per Estaos Xuníos col so propiu dineru.