A mediaos de 1962, The Beach Boys debutaron en Capitol col so primer

A mediaos de 1962, The Beach Boys debutaron en Capitol col so primer senciellu nesta discográfica, «Surfin’ Safari». Esta tema yera daqué más ellaboráu que’l cantar «Surfin’», y entró nel puestu númberu 14 de les llistes. Con «Surfin’ Safari» ayudaron a dar a conocer el nuevu ritmu del surf rock , qu’empezaba a floriar nel sur de California gracies a artistes como Dick Dale, Jan & Dean y The Chantays. La banda editó n’ochobre de 1962 el so primer álbum, Surfin’ Safari , que llogró xubir al puestu númberu 32 de les llistes de ventes d’álbumes. El discu tamién incluyó una versión de «Summertime Blues», de Eddie Cochran. Pal 17 d’avientu de 1962, la banda empezó la so primer xira, que consistió n’ocho feches pel sur de California, y que concluyía’l día de Nuechevieya. Pocu dempués d’estos conciertos, The Beach Boys fueron a tocar con bastante ésitu nel estáu d’ Arizona . En febreru de 1963, Dennis Wilson foi reemplazáu na batería por Mark Groseclose (integrante de The Marksmen, de David Marks), al sufrir aquél un accidente automovilísticu.