Murry Wilson entamó-yos a los Beach Boys la so primer actuación paga

Murry Wilson entamó-yos a los Beach Boys la so primer actuación paga que’l grupu dio’l día d’Añu Nuevu de 1962, y pola cual recibieron trescientos dólares, según recordaba darréu Mike Love. Pocu dempués, el 8 de marzu de 1962, Brian (como vocalista principal), Carl, Alan y Audree Wilson (la madre de los trés hermanos Wilson), al pie de Val Poliuto —miembru del cuartetu de doo wop The Jaguars nos años 50— asonsañando vocalmente un baxu, amestaron les sos voces sobre dos pistes instrumentales que grabaren primeramente otros artistes en Candix Records. Estos cantares, titulaes «Barbie» y «What is a Young Girl Made of?» (esta postrera cola participación como vocalista principal de Brian ensin nengún otru miembru de The Beach Boys), publicáronse darréu sol nome de Kenny & the Cadets. Nesta mesma dómina Murry creó la compañía editorial Sea of Tunes, pa protexer les futures composiciones del so fíu Brian.