Nuna entrevista en direuto na radio KROQ en mayu de 2000, Billy

Nuna entrevista en direuto na radio KROQ en mayu de 2000, Billy Corgan anunció la decisión del grupu d’eslleise a la fin del añu, añadiendo pa ello feches adicionales na xira que realizaben nesos momentos. L’últimu discu de los Smashing Pumpkins, Machina II/The Friends & Enemies of Modern Music , el que correspondería a la segunda parte del discu previu, foi llanzáu en setiembre d’esi mesmu añu. Solamente fueron partíes venticinco copies ente los amigos del grupu, col permisu de distribuyir llibremente’l conteníu n’internet. L’álbum contenía 1 LP y 3 EP, grabaos por Constantinople Records, una discográfica creada por Corgan. La decisión de grabar l’álbum de manera independiente y de distribuyir el material per internet anició na negativa de Virgin Records de publicar un álbum doble, ante les baxes ventes de los últimos dos álbumes. The Smashing Pumpkins realizó’l so últimu conciertu en Cabaré Metro, el mesmu llocal onde empezó la so carrera doce años tras. Pa la ocasión tocó Melissa Auf der Maur, en reemplazu de D’arcy quien nun quixo participar. El mesmu día amás, el grupu llanzó’l so postreru senciellu: «Untitled». Les cuatro hores de conciertu fueron rexistraes en videu pa un posterior llanzamientu en DVD.