Gurewitz fundó Epitaph , ensin saber nesi momentu’l puntu d’inflexón

Gurewitz fundó Epitaph , ensin saber nesi momentu’l puntu d’inflexón que supondría esi modestu sellu nel mundu del punk rock y del rock alternativu , d’ Estaos Xuníos sobremanera, nel futuru. La banda graba’l so primer trabayu, un EP autotitulado Bad Religion , compuestu por seis cantares y llanzáu por aciu Epitaph en 1981. Tres esi trabayu, la banda graba’l so primer álbum d’estudiu, How Could Hell Be Any Worse? , nel que cuntaría cola collaboración d’unu de los futuros guitarristes, Greg Hetson , qu’apurrió un solu de guitarra na tema Part III. Naquel momentu, Hetson yera guitarrista de Circle Jerks , pero compatibilizaría dambos grupos nel futuru. Mientres la grabación del discu debú, empiecen a apaecer lo que sería una de les constantes na banda californiana: los cambeos na formación. Jay Ziskrout dexa la banda, en grabando 8 cantares, y ye sustituyíu por Pete Finestone , quien graba les 6 restantes. El discu tuvo una bona acoyida, vendiendo más de 10 000 copies y, lo más importante, reclutando una importante lexón de fanes .