En contraste col ésitu comercial qu’esperimentaba, la banda sufría

En contraste col ésitu comercial qu’esperimentaba, la banda sufría una seria crisis interna que comprometió la so esistencia. Moody, co-fundador del grupu, quien fuera compañeru sentimental de Amy Lee mientres dellos años, por cuenta de diferencies creatives y constantes reñedielles, decidió abandonar de secute Evanescence el 22 d’ochobre del 2003 mientres la xira por Europa . El represante de la banda declaró que’l futuru de Moody en rellación cola banda nun taba claru. Aquella nun yera la primer vegada nesi añu que Moody tenía problemes, pos en xunu de 2003, el grupu tuvo qu’atayar una serie de shows n’ Alemaña por cuenta de que’l guitarrista carecióse. Nuna entrevista realizada dellos meses dempués, Amy Lee declaró que llegaren hasta un puntu nel cual, si daqué nun camudaba, nun podríen faer un segundu álbum. Lee siguió col grupu y col sofitu del restu de los integrantes siguió la xira que realizaben. Evanescence siguió como cuartetu hasta xineru de 2004, cuando Terry Balsamo (ex-guitarrista de Limp Bizkit y Cold ) foi convidáu a xunise al grupu como sustitutu de Moody.