En 1998, la banda volvió vivir momentos de gran ésitu, anque salvando

En 1998, la banda volvió vivir momentos de gran ésitu, anque salvando les distancies con Smash . El 17 de payares, Columbia Records llanzó Americana , qu’afaró nes llistes de ventes y apoderóse de la escena musical del momentu gracies a un soníu muncho más comercial, especialmente col primer single ” Pretty Fly (For a White Guy) “, distribuyíu gratuitamente por internet y que se convirtió nel cantar más descargáu con más de 22 millones de descargues en 10 selmanes. Esti cantar llogró asitiase no más alto de les llistes d’Estaos Xuníos, ingleses y australianes convirtiéndose nun hit masivu. Tres el gran ésitu que taba collechando’l discu, la banda participó na edición de 1999 del famosu festival de Woodstock , según nos Reading/Leeds Festivals . Al pegadizu “Pretty Fly” siguiéron-y otros singles de gran ésitu como’l satíricu ” Why Don’t You Get a Job? “, “The Kids Aren’t Alright” y “She’s Got Issues”. L’álbum superó los 10 millones de discos vendíos, ente qu’empezaron tiempos estraños na banda, yá que s’arreyaron en manifestaciones en favor de Napster . A finales de 1999, Offspring decidió sacar el so primer DVD tituláu tamién “Americana”. Ésti contién actuaciones en direutu, videos d’acrobacies en moto, bicicleta y skate , los videos caseros de los cantares “Nitro”, “Burn It Up”, “Llixu” y “Cool to Hate”.