El primer álbum de Linkin Park, llamáu Hybrid Theory , foi publicáu’l

El primer álbum de Linkin Park, llamáu Hybrid Theory , foi publicáu’l 24 d’ochobre de 2000, productu de mediu añu de trabayu, l’álbum foi editáu por Don Gilmore. Hybrid Theory tuvo una receición comercial positiva, vendiendo 5 millones de copies mientres el so añu debú polo que pudo axudicase’l estatus del álbum más vendíu de 2001. Foi’l discu más vendíu n’Estaos Xuníos y Nueva Zelanda mientres esi añu, polos ésitos « Crawling », « Papercut », « In the End », « One Step Closer » y « Points of Authority ». Estos dos últimos fueron utilizaos como fondu de les películes Drácula 2001 , Little Nicky y Valentine . L’álbum ta compuestu na so mayoría por temes llíriques que traten los problemes polos que travesó Chester Bennington mientres el so adolescencia , como’l divorciu de los sos padres, y problemes col alcohol y les drogues. El discu foi número dos nel Billboard 200 , algamando posiciones importantes nel restu del mundu. El discu vendió más de 30 millones de copies mundialmente a día de güei, de los cualos 10 millones de copies vendiéronse namái n’ Estaos Xuníos , convirtiéndolo nel álbum de meyor venta nel sieglu XXI.