El 3 d’ochobre de 1961, The Pendletones grabaron dolce tomes de «Surfin’» nes pequeñes oficines de Morgan, anque Dennis nun tocó la batería nesta sesión. Llegose a prensar asina una pequeña cantidá de senciellos. Cuando los rapazos desempaquetaron la primer caxa contenedora d’esos discos, vieron, sobre la etiqueta de Candix Records, que’l nome de la banda fuera camudáu al de «The Beach Boys». Murry Wilson, envolubráu yá estrechamente cola trayeutoria de la banda, llamó a Morgan pa ver qué asocediera. Al paecer, un mozu trabayador llamáu Russ Regan pensara que la banda sonaba paecíu a un dúu artísticu local llamáu Jan and Dean, y suxirió que’l grupu camudara’l so nome p’afaese más a la tema que trataben los sos propios cantares: «Daqué según The Lifeguards o The Beach Bums… daqué que ver cola sablera. ¡Tengolo! ¿Por qué non el nome de The Beach Boys?». El presupuestu llindáu torgó que les etiquetes de los senciellos pudieren imprimise de nuevu. El llau B de «Surfin’» yera «Luau», y el discu foi catalogáu col númberu 331. El senciellu reeditóse dos veces más, una cola referencia de Candix 301, y otra cola del númberu 331, respeutivamente.
El 3 d’ochobre de 1961, The Pendletones grabaron dolce tomes de
Written by
in