El 29 de xunu d’esi mesmu añu llanzaron un nuevu discu: Meteora Tour Edition , que contién los cantares de Meteora xunto con versiones en direuto que fueron rexistraes mientres el Meteora World Tour y amás el DVD Meteora: The Making Of . La so segunda producción d’estudiu dio-y a la banda múltiples reconocencies ente los cualos tán el premiu MTV a meyor video rock por «Somewhere I Belong» y un premiu Viewer Choice a « Breaking the Habit », tamién recibieron importantes premios en 2004 nos Radio Music Awards onde fueron gallardoniaos col premiu artista del añu y cantar del añu por « Numb ». La banda pasó los primeros meses de 2004 en conciertos alredor del globu con motivu del Meteora World Tour antes de llevar a cabu’l tercer Projekt Revolution a finales de xunetu y hasta principios de setiembre, pa ello cuntóse cola presencia de bandes y solistes como Korn, Snoop Team y The Used . Cabo señalar qu’anque Meteora nun foi igualmente esitosu como’l so predecesor, foi’l tercer álbum más vendíu n’Estaos Xuníos mientres l’añu 2003.
El 29 de xunu d’esi mesmu añu llanzaron un nuevu discu: Meteora Tour
Written by
in