Cream realizó la so primer visita a los Estaos Xuníos en marzu de

Cream realizó la so primer visita a los Estaos Xuníos en marzu de 1967 pa tocar nueve nueches nel RKO Theater de Nueva York . Ente’l 11 y el 15 de mayu, el tríu tornó a dicha ciudá, concretamente a los estudios Atlantic, pa realizar la grabación del so segundu álbum d’estudiu, Disraeli Gears,[29] que salió a la venta en payares y que llegó a asitiase ente los cinco álbumes más vendíos tantu n’Estaos Xuníos como en Reinu Xuníu. El productor del mesmu foi Felix Pappalardi, quien convenció a Clapton por que tamién grabara temes como vocalista principal, daqué que nun foi del presto de Bruce. Disraeli Gears foi’l primer álbum de Cream formáu principalmente por cantares compuestos pol grupu, y a diferencia del so antecesor, inclúi na so mayoría tarrezas orixinales, sacante «Outside Woman Blues» y «Mother’s Lament» que son arreglos de cantares de blues. El senciellu principal, «Sunshine of Your Love», llegó a asitiase ente los cinco primeros puestos en Norteamérica y consiguió un discu d’oru dau pola RIAA.