almitió en 2008

Cornell almitió en 2008 que nun había entabláu contautu con nengún de los sos otros compañeros de Audioslave dende la separación del grupu. Dixo que la disolución de la banda nun se debió a cuestiones económiques, sinón a qu’a cencielles él yá nun se llevaba bien con ellos nesos últimos años. Nes sos pallabres: «Llevate con persones ye una cosa. Llevate con un grupu de persones que pueden trabayar xuntos nuna situación de banda… Nós nun tábamos llevando bien, non. Les bandes trabayen d’una forma en que toos en dalgún momentu deben de tener una idea similar de cómo faes les coses… Tres álbumes dempués, empezó a paecer que los nuesos intereses yá nun taben tan xuníos».