El títulu orixinal del álbum diba ser Chinese Democracy , el nome del

El títulu orixinal del álbum diba ser Chinese Democracy , el nome del discu retrasáu de Guns N’ Roses , por cuenta de que Holland tuvo un enfrentamientu con Axl Rose , pero ésti empecipió una demanda contra Holland y pa nun allargar más el llanzamientu, The Offspring decidió a cencielles camudar el títulu del álbum. El primer single correspondió a “Hit That”, un senciellu bien na llinia comercial que venía utilizando la banda en senciellos como “Orixinal Prankster” y “Pretty Fly (for a White Guy)” el cual goció d’una gran aceptación y algamó llegar al visu de les llistes d’ésitos d’Estaos Xuníos. A este siguió-y el videu de “(Cant Get My) Head Around You”, que nun pudo algamar l’ésitu que tuvo’l single anterior. El tercer y últimu single del álbum correspondió al cantar “Spare Me The Details”, del cual nun se grabó videoclip. Pero les ventes fundiéronse dafechu en comparanza colos trabayos anteriores, vendiendo alredor de 3.200.000 de copies en tol mundu. En contra, la xira del discu que la banda empezó en febreru de 2004 foi espectacular, visitando 22 países y realizando 97 conciertos nos cinco continentes, visitando España y América del Sur (Arxentina, Brasil, Colombia y Venezuela). El 14 de payares, la banda echó’l telón al Splinter Tour con un conciertu n’ Anaheim .